網絡安全隱患 by 悦與歌

近日出現「社交平台移民潮」，好多人話自己「關注私隱」，有人話擔心「網絡安全」，有更多人係見人轉自己又轉。其實「移民」嘅人有幾多真係知咩事？

成件事嘅觸發點係WhatsApp要求用戶容許Facebook讀取WhatsApp資訊先可以繼續使用，加埋之前香港人好多對Facebook嘅唔好印象（例如言論審查、封特朗普帳戶事件），突然覺得忍唔到落去，決定「舉家移民」。

但其實MEWE同Signal係唔係真係比Facebook同WhatsApp更能夠保障到用戶私隱？其實係唔係真係更加安全？至今我覺得仍然係一個問號。對我嚟講，用一樣嘢安唔安全，除咗個社交平台同軟件自己保安系統成唔成熟之外，更重要係用家點去使用。如果自己咩都放哂上網話比全世界知，或者從來都盡享資訊科技同網上世界帶來嘅便利的話，其實你用咩軟件都無分別，因為平時嘅行為已經將自己資訊放哂上網，留低哂足跡。

網絡從來都唔安全、無咩私隱，而呢個安全絕對唔會因為你今日由Facebook轉去MEWE突然增加咗。雖然我自己都開咗MEWE，但更重要嘅係自己點樣透過平日嘅行為去保護自己嘅資料。

《網絡安全隱患》

曲、監：Serrini, Yeung Tung 詞、主唱：Serrini 監：Yeung Tung