當家 by 悦與歌

一個疫情令全世界經濟出現突然嘅下挫，好多行業都出現停頓，樂壇自然難以置身事外。好多歌手嘅音樂大計都因為疫情而受到干擾，小則影響錄音、拍MV同宣傳進度，大則要擱置出歌、出碟同開演唱會嘅計劃。聽落好似唔太大影響，但要知道好多本地歌手同音樂人（特別係新晉一批），根本唔能夠純粹靠一年出兩三首歌就搵到食，同時需要配合好多宣傳、廣告、拍電視節目等。（題外話：所以如果自己都唔肯經濟上支持本地歌手，大家真係要去怪歌手去另一個市場投資？）

更唔好講呢位歌手突然要喺呢個咁挑戰嘅時代突然成為爸爸，當中要「當家」嘅壓力一定唔細。呢首歌同佢之前出過嘅歌好唔同，而唔同個點係，聽得佢從心而發嘅感受，嗰種帶有少少惶恐但又感恩嘅複雜情緒。

《當家》

曲、詞、監、主唱：Travis 歐國成

編：歐國成、榮嘉浩